Nos visitó…
El día 7 de noviembri nos visitó un grupu de personas pertenecientis al colectivu “Hermandadis del Trabaju” de Madrí capitá, surgías éstas en 1947. Es una organización de trabajadoris cristianus que pretendin el desarrollu integrá de los mismus, luchando por su dignidá y derechus. Tienin su sedi social en la calli Raimundu Lulio nº 3 de Madrí. El grupu de personas, comandau pol la simpática Conchita, me aguardaban en el autobú apalcau en la Plaza, hacia las 5 h de la tardi (jadía una miaja frescu). Esta vé tuvimus que variá la ruta por razón de la visita del señol obispu de Coria a la parroquia de San Pedru. Corri que te corri fuimus a vé el interió del templu (Se quearun maravillaus: “pos dondi venimus no nos ha gustau tantu, no tenían tantus monumentus! comentarun algunas persona.) Despué a la Plaza otra vé (corri que te corri tamién), dondi les expliqué la misma. Seguiamenti, otra vé pa San Pedru, a explicá el exterió, y al llegal al llanu ¡Sorpresa! las campanas empezarun a tañil que no había manera de que la genti se enterara de la explicación. Se jidu una pausa y… ¡que aliviu! decía la genti. Aprovechamu entoncis pa explicá el culu del demoniu, peru, al llegal a la calli del coru ¡otra vé la campana! Salimu la calli Seis reja arriba y nos aurillamus una miaja a la derecha pa explicá el Conventu de la Jerónima. En estu que pasó el señol obispu caminu del monasteriu y nos saludó. De nuevu me encontré con él y otru señol que lo acompañaba en la portería del conventu, y comu me vierun cara de prisa, me dejarun pasal amablimenti. Ya dentro del conventu los visitantis se quearun fascinaitus pol la belleza del templu y sus imágene. Al salil preguntarun pol lo cagajonih; se metierun pa la portería, que no sé si han salíu (¡no me extraña, estus dulcis de la jerónima sabin a gloria bendita!). De nuevu en marcha, pol la calli Angosta pa arriba, fuimus conversandu con el grupu, hasta llegal a la calli Valencia, desde ondi se ve la cabecera del conventu de San Antoniu. Allí les expliqué parti de Santa María, de su organu que no podrían vel peru que es el más antiguu de la Península, etc.
En las Nieves, donde se notaba ya el frío en el cuerpo, acabamos la visita, cuando la tarde llegaba a su fin. Les conduje de nuevo a la Plaza por la antigua calle de la Alhóndiga donde les esperaba el autobús.
Hasta siempre amigos.
José María Velaz
Versión para imprimir