Nos visitó…
El 21 de octubre de 2009 nos visitó un grupu de personas pertenecientis a la Asociación de Vecinus “Unión de San Ignacio de Loyola” de Madrid.
En su vista a la provincia de Cácere han recorríu ya varius pueblus.
La particularidá de esta asociación (una de las máh numeroças de España) es que las callis de la urbanización que ocupan sus viviendas llevan nombris de localidadis cacereñas (Navalmorá de la Mata, Salorinu, Monroy… y, comu no, Garrovilla de Alconeta, que cuenta hasta con una plaza con el mismu nombri.
La idea, según nos contó el simpáticu Santiagu Alcolea (presidenti de la Asociación en cuestión) se le ocurrió al empresariu que levantó estas viviendas haci ya década, idea que chocaba con la de otru señol, que pretendía ponel nombris de otras regionis. Peru comu los primerus que se asentarun en ella fuerun extremeñus, de ahí el poneli estus nombris.
Hacia las 10 h. de la mañana el alcaldi de Garrovilla los recibió en el Salón de Plenus, dondi se intercambiarun varius presentis (entiéndasi regalus) (platus decoraus, librus…) comu señal de “hermanamientu” entre esti colectivu de los madrilis y la villa de Garrovilla de Alconeta.
Actu segíu iniciamus la visita turística por la villa que partió de la plaza mayó, esti día llenita de puestus de venta (era miércole; había mercau) pol lo que no lució tantu comu de costumbri. Se visitó también la parroquia de San Pedru. Un servidó explicó el exterió, dejando pa Mari Angele, experta tamién en el tema en cuestión, el interiol del edificiu, que explicó con su natural graceju y con toitu luju de detallis, la costrución del templu, las obras de arti, el retablu… (mira esi angelitu que cara de bobalitrón tién; mira San Pedru ahí arrellanau en su cátedra; mira esi que paiji el agüelu de Vicki el Vikingu…)
Por lo ajustau del horariu (al grupu lo esperaban en Monroy) no hubu tiempo pa más. Esperamus que en otra visita puean conocé tou nuestru patrimoniu artísticu.
José María Velaz
Imprimir